انتي جايا بعيده على لنضاري***سرير بينا يصعب على السيارة
انتي قدر من ربي الكريم الباري***والقد ر ماتنفع معاه شطاره
انتي طيف مافارق جفون انضاري**الليل ما يناموا بايتات صهاره
انتي عارفه حبك فدمي ساري**علاش لاش مادرتي معاي دباره
انتي عارفه يبكوا عليك انضاري**بلاغير سبله دمعتي قطاره
انتي عارفه صبري بدا متواري***ونتي عليك يصكروا الحزاره
علاش لاش جرح الحب ماهو باري**علاش حلمتي صعبت على الفساره
مانيش لاقي صبر غير انداري ***نراجي وما جتنيش منك اشاره
حدارد على عاشق غلاك حداري ***يموت في سبيلك تلزمك كفاره
جنيتي على هايم وحبك شاري**تركتيه لدلال وسمساره
قداش ليعات الحبيب نواري*** وقداش بنبرد صهايد ناره
وقداش بنكفف دموع انضاري***وقداش باتوا باكيا صهاره
وقداش باتوا حايسا ت افكاري***وقداش بنعدي غلاك مراره
هيهات نلقى من يشيل اخباري***حبيب خاطري بعدوا عليا دياره
انحازوا دياره موش شور دياري ***ولا وين لبيبانا تجيب اخباره
كانش مع نسمة هبوب الواري***سلام للغوالي يرفعه تياره
*********************************
اهدي هذه القصيدة الى كل اعضاء المنتدى
مع المعذرة الصقيدة باللهجه الليبيه
مع تحياتي ///علي احسي الزنتاني
شاعر الشباب //الزنتان //ليبيا
الرئيسية 
